حد يعرف رئيس شركة فودافون الجديد

بسم الله الرحمن الرحيم
يا جماعة صديق محترم قالى على ان فودافون نزلها رئيس جديد ماشى بلطجى على الموظفين
يعنى الواحد هناك بيقبض 4000 جنيه يقوله تاخد 1500 ولا تمشى ده بالنسبة للموظفين
بالنسبة لاصحاب الابراج يقوله انت كنت بتاخد ايجار كام على الشبكة اللى فوق البرج بتاعك مثلا يقوله باخد 3000 جنيه يقوله تاخد 1000 ولا نشيل الشبكة
وانا بقول لصاحبى ازاى يا بنى ادم فودافون تخلى واحد يعمل كده وكمان الموظفين اللى فيها شغالين بعقود والعقود دى مكتوب فيها الراتب وفيها بنود الطرفين ملتزمين بيها ده ممكن لو اتلمو يقفلو الشركة ويطربقوها على دماغ اللى فيها
ثــــــــــــــــــــم مين اللى قالك الكلام ده
قالى بنت عمتى شغالة هناك ولسه ماشية من عندهم
ياريت يا جماعة لو حد عنده تأكيد للخبر ده يقولنا
اخوكم يوسف

أعتقد الكلام ده غلط عن معرفة تامة بامور الشركة وكيفية إدارتها لأن دى شركة عالمية فيها نظم ولوائح بتطبق فى كل فروعها فى العالم (مش محل عبده البقال) والنظام ده بيسمح لأى حد فى أى فرع للشركة فى العالم إنه يشتكى مديرة مهما كان وظيفتة ويبعت الشكوى للمركز الرئيسى فى إنجلترا .

وما أعتقدش إن العضو المنتدب للشركة فاضى للكلام ده (هايوفر كام من الموظفين 2000 موظف فى 3000 جم متوسط من كل موظف يعنى 6 مليون جنيه فى السنة ، لو عايز يوفر هايوفر فى المشتريات والخدمات اللى بتاخدها فودافون فى السنة بتدفع حوالى 3 ونص مليار جم للموردين لو اتشطرت عليهم فى نسبة 10% هاتوفر 350 مليون جنيه !!!!!!!!!!!!

ثانياً : شركة فودافون لا تتعاقد مباشرة مع ملاك العمارات ولكن عن طريق شركات وسيطة واللى بتبنى محطات المحمول .

ثالثاً فى 12 مستوى إدارى (مديرين) تحت العضو المنتدب عشان يوصل مباشرة لموظفة صغيرة !!!!!!!!!!!!

الكلام نصه صح و نصه غلط

الرئيس التنفيذي الحالي هو حاتم دويدار ..... ثاني مصري يشغل منصب الرئيس التنفيذي للشركة بعد محمد الحمامصي .... و الناس بتسب و تلعن و فعلا مش طايقاه

و فعلا فيه محاولات لتقليل التكلفة ..... و فيه تخنيق جامد ...... الراجل بيقلل الشاي و القهوة و البيبسي اللي كانوا ببلاش في يوم من الايام !!!!!!!

بس اللي قال لك تقليل مرتبات ده بيفتي ..... ممكن تتوقف الزيادات او المكافات السنوية (profit share) تقل ..... بس المرتب لأ ..... و موضوع الابراج ده مستحيل .....

و بعدين الرئيس التنفيذي صدقني مهامه اكبر و اخطر من انه يكلم موظف او صاحب سطوح عمارة ...... !!!!

اقتباس:

---

المشاركة الأصلية كتبت بواسطة أحمد كمال

الكلام نصه صح و نصه غلط

الرئيس التنفيذي الحالي هو حاتم دويدار ..... ثاني مصري يشغل منصب الرئيس التنفيذي للشركة بعد محمد الحمامصي .... و الناس بتسب و تلعن و فعلا مش طايقاه

و فعلا فيه محاولات لتقليل التكلفة ..... و فيه تخنيق جامد ...... الراجل بيقلل الشاي و القهوة و البيبسي اللي كانوا ببلاش في يوم من الايام !!!!!!!

بس اللي قال لك تقليل مرتبات ده بيفتي ..... ممكن تتوقف الزيادات او المكافات السنوية (profit share) تقل ..... بس المرتب لأ ..... و موضوع الابراج ده مستحيل .....

و بعدين الرئيس التنفيذي صدقني مهامه اكبر و اخطر من انه يكلم موظف او صاحب سطوح عمارة ...... !!!!

---

هو المرتبات منقصتش بس المميزات كلها قلت جامد من اول الشاى و القهوة لحد العربيات و السفريات

اللى كان معاه باسات خدها منه و اداله كرولا حقيرة و مفيش ولا عربية تقريبا ليموزين فى الشركة (سياحة يعنى)

و اللى كان بيسافر كل سنة 5 او 6 مرات بقت دوريا

ال profit share السنادى مكانش زى السنة اللى فاتت

و طبعا الكلام دا مش بيعملوا بنفسو هو كان قاصد يقول ان سياسة حاتم دويدار زفت

فعلا انا سمعت من صديق اسبوع ان حاتم دويدار مشى ناس فى الـ 3 شهور الأخيرة (مديرين و موظفين )
و خاصة من الإدارات اللى فيها العديد من المديرين
على فكرة مديره خلاص حيمشى اخر الشهر دا و ادوله بقية عقده مقدم !
و هو نفسه دلوقتى بيدورعلى شغل فى حتة تانية لإنه مابقاش مطمئن فى فودافون !

اقتباس:

---

المشاركة الأصلية كتبت بواسطة أحمد كمال

و بعدين الرئيس التنفيذي صدقني مهامه اكبر و اخطر من انه يكلم موظف او صاحب سطوح عمارة ...... !!!!

---

للأسف ياأستاذ احمد موضوع الأبراج صح لأن بجانب مني برج فودافون وصاحب العماره صديق شخصي لي وأكدلي المعلومه دي وفعلا فودافون قللت مبلغ الأيجار بناء علي أوامرعليا من الشركه وذلك حين التعاقد الجديد للتأجير والتجديد السنوي للبرج واذا لم يرتضي العميل بذلك ينهي التعاقد ويخليهم يشيلوا البرج وفعلا تم فصل الخدمه عن البرج تمهيدا لنقله لمكان آخر بأختصار لو انت مرضتش قي غيرك هيرضي والأن سكان المنطقه اصبحوا بيعانوا من تغطية الشبكه وللأسف تم عمل شكوي وكان الرد تم عمل طلب وبأنتظار الدعم الفني خلال شهر بصراحه الشبكه دية بقت مستواها سيئ جدا وفعلا الناس بسبب المشكله دية بقت بتغير لشبكات اخري اقوي

اقتباس:

---

المشاركة الأصلية كتبت بواسطة ahmed-moga

للأسف ياأستاذ احمد موضوع الأبراج صح لأن بجانب مني برج فودافون وصاحب العماره صديق شخصي لي وأكدلي المعلومه دي وفعلا فودافون قللت مبلغ الأيجار بناء علي أوامرعليا من الشركه وذلك حين التعاقد الجديد للتأجير والتجديد السنوي للبرج واذا لم يرتضي العميل بذلك ينهي التعاقد ويخليهم يشيلوا البرج وفعلا تم فصل الخدمه عن البرج تمهيدا لنقله لمكان آخر بأختصار لو انت مرضتش قي غيرك هيرضي والأن سكان المنطقه اصبحوا بيعانوا من تغطية الشبكه وللأسف تم عمل شكوي وكان الرد تم عمل طلب وبأنتظار الدعم الفني خلال شهر بصراحه الشبكه دية بقت مستواها سيئ جدا وفعلا الناس بسبب المشكله دية بقت بتغير لشبكات اخري اقوي

---

انت بتتكلم جد

يعنى العقد كان على 20 الف فى السنة قالولوا هانخلى 10 مثلا !!!!!

بس على فكرة اللى بيفصل الشبكة صاحب العقار مش الشركة لان كل دقيقة الشبكة فيها مش شغالة بتخسر الشركة ملايين غير حاجة اسمها Image

متهيألى صاحب العقار هو اللى فاصل الشبكة اعتراضا منهم على تغيير بنود العقد مش الشركة

الشركة عليها العوض ومنها العوض
كفاية الرصيد بتاع العملاء اللي بيتشفط بدون اي اسباب

cost reduction ياخواننا بقى فى كل حته
نفس الموضوع فى اريكسون
الايام الحلوه راحت خلاص تحس ان كل الشركات افتقرت بعد حوار الازمه
وبالنسبه لصاحب العماره من حقه ميجددش وفيه 1000 مستنيين مكانه وبسعر اقل وده اللى مودينا فى داهيه احنا اللى بنرخص نفسنا بس لو بصيت فيها من ناحيه تانيه هتلاقى الراجل عايز يوفر للشركه وبيستغل نفسيه المصريين صح
الراجل ده مدير ناجح لفودافون وزفت للموظفين والملاك وبصراحه انا مشفتش شبكه عند مالك وكان بيريحنا معظمهم مستغلين جدا وجشعين لاقصى درجه

اقتباس:

---

المشاركة الأصلية كتبت بواسطة solycar

انت بتتكلم جد

يعنى العقد كان على 20 الف فى السنة قالولوا هانخلى 10 مثلا !!!!!

بس على فكرة اللى بيفصل الشبكة صاحب العقار مش الشركة لان كل دقيقة الشبكة فيها مش شغالة بتخسر الشركة ملايين غير حاجة اسمها image

متهيألى صاحب العقار هو اللى فاصل الشبكة اعتراضا منهم على تغيير بنود العقد مش الشركة

---

جد الجد يافندم يعني مثلا لو كان العقد الأيجار بيتجدد كل سنه بناء علي موافقة الطرفين علي المبلغ المالي وجه المالك وقت التجديد وطلب سعر والشركه لم توافق ونزلت السعر لأقل من السعر القديم ففي الحاله دية بينتهي العقد الأيجار السنوي بين الطرفين وينبغي علي الشركه انها تشيل البرج في خلال الفتره المحدده في العقد لأنهاء التعاقد ولو تأخرت ومنفذتش في الميعاد المحدد من حق المالك انه يفصل الكهرباء عن الشركه ويطالبها بالتعويض المالي انما قبل كده مينفعش وألاهيقع في الشرط الجزائي اللي في العقد واللي هيكون بمبلغ وقدره اما بالنسبه للأبراج الجديده اللي لسه هيكون فيها اتفاق فعلا السعر المعروض علي المالك بقي اقل كتير من السعر القديم لأي تعاقد تم في اماكن اخري
فاممكن يكون صاحب العماره فصل الكهرباء عن الشبكه لأنتهاء المده المحدده في العقد وممكن تكون الشركه وقفت الشبكه تمهيدا لنقلها وستدفع للمالك مبلغ مالي نظير كل يوم تأخير عن المده المحدده حسب بنود العقد المتفق عليه فالموضوع كله منوط بأتفاق الطرفين

اقتباس:

---

المشاركة الأصلية كتبت بواسطة ahmed-moga

جد الجد يافندم يعني مثلا لو كان العقد الأيجار بيتجدد كل سنه بناء علي موافقة الطرفين علي المبلغ المالي وجه المالك وقت التجديد وطلب سعر والشركه لم توافق ونزلت السعر لأقل من السعر القديم ففي الحاله دية بينتهي العقد الأيجار السنوي بين الطرفين وينبغي علي الشركه انها تشيل البرج في خلال الفتره المحدده في العقد لأنهاء التعاقد ولو تأخرت ومنفذتش في الميعاد المحدد من حق المالك انه يفصل الكهرباء عن الشركه ويطالبها بالتعويض المالي انما قبل كده مينفعش وألاهيقع في الشرط الجزائي اللي في العقد واللي هيكون بمبلغ وقدره اما بالنسبه للأبراج الجديده اللي لسه هيكون فيها اتفاق فعلا السعر المعروض علي المالك بقي اقل كتير من السعر القديم لأي تعاقد تم في اماكن اخري
فاممكن يكون صاحب العماره فصل الكهرباء عن الشبكه لأنتهاء المده المحدده في العقد وممكن تكون الشركه وقفت الشبكه تمهيدا لنقلها وستدفع للمالك مبلغ مالي نظير كل يوم تأخير عن المده المحدده حسب بنود العقد المتفق عليه فالموضوع كله منوط بأتفاق الطرفين

---

ياباشا انت محسسنى ان مفيش اسهل من نقل الشبكه
هو فعلا سهله بس مكلفه جدا وبتاخد وقت مش يوم وليله
1-لازم الاول المكان البديل يعدى على استشارى علشان يشوف هيستحمل ولا لا ويصمم له ال i beam الخاص بقواعد البرج والشلتر او الكباين بمعنى ان ال
i beam اللى بيتشال من محطه ميتفعش فى محطه تانيه لاختلاف اماكن عمدان كل بيت عن التانى وتصنيع i beam جديد بمقاسات جديده وجلفنته مش اقل من اسبوع او 5 ايام غير ان البرج اللى بيتشال ممكن ميركبش فى الجديدهفهتلاقى material عماله تتنقل من حته لحته والسرقه هتزيد
2-لفه حلوه على تصاريح جديده للبديل بيئه ومش عارف ايه واخيرا واهمهم الكهرباء ودى لوحدها حوار غير اللى بيدفع للعداد الجديد
3-تكلفه كويسه لتفكيك البرج القديم والشلتر وتنزيلهم من القديمه ورفعهم وتركيبهم للجديده
4-فيادر (الكبلات السودا اللى على البرج) جديده وايرثات جديده واهو كله نحاس مكلف برضه
5-line of sight جديد علشان لما اللنك(الطبق المدور اللى عامل زى الطبله) يركب ويربط على محطه تانيه ودى لوحدها بتاخد وقت مش اقل من يومين وطبعا network plan هيتغير كل شويه غير تغيير اتجاهات الانتنات علشان ميحصلش interference مع المحطات اللى جنبها وده حوار مقرف لوحده لبتوع الplan
6-مشاكل ال health and safety اللى هيا من الاخر الناس اللى بتهيج على المحطات الجديده علشان متتبنيش علشان السرطان والضرر وكده فى حين من جواهم هما هايجين علشان نفسهم تتعمل عندهم وياخدوا الفلوس فازاى بعد مالامور استقرت فى المحطه القديمه يرجع تانى لوجع الدماغ والقواضى فى الجديده
7-طبعا الكلام ده للمحطات ال end point اللى مش وراها حاجه اما لو هيعمل كده فى sub hub و hubs يبقى دى قمه الحموريه
ده التفكير المنطقى الا اذا الراجل ده بيعمل كده ككارت ارهاب للملاك -بكرههم قوى-
خصوصا الجهله منهم اللى هيخافوا ويرضوا بتقليل المبلغ او الموافقه على منع الزياده السنويه 10% ساعتها يبقى الراجل ده معلم وضرب عصافير بالهبل بحجر واحد
بس بصراحه اول مره اسمع انها عقود سنويه لان الشبكات عقودها لمده 10 سنين على الاقل بزياده 10% او 5% كل سنه وده المعروف فى ال3 شبكات

اقتباس:

---

المشاركة الأصلية كتبت بواسطة mazagngi2010

ياباشا انت محسسنى ان مفيش اسهل من نقل الشبكه
هو فعلا سهله بس مكلفه جدا وبتاخد وقت مش يوم وليله
1-لازم الاول المكان البديل يعدى على استشارى علشان يشوف هيستحمل ولا لا ويصمم له ال i beam الخاص بقواعد البرج والشلتر او الكباين بمعنى ان ال
i beam اللى بيتشال من محطه ميتفعش فى محطه تانيه لاختلاف اماكن عمدان كل بيت عن التانى وتصنيع i beam جديد بمقاسات جديده وجلفنته مش اقل من اسبوع او 5 ايام غير ان البرج اللى بيتشال ممكن ميركبش فى الجديدهفهتلاقى material عماله تتنقل من حته لحته والسرقه هتزيد
2-لفه حلوه على تصاريح جديده للبديل بيئه ومش عارف ايه واخيرا واهمهم الكهرباء ودى لوحدها حوار غير اللى بيدفع للعداد الجديد
3-تكلفه كويسه لتفكيك البرج القديم والشلتر وتنزيلهم من القديمه ورفعهم وتركيبهم للجديده
4-فيادر (الكبلات السودا اللى على البرج) جديده وايرثات جديده واهو كله نحاس مكلف برضه
5-line of sight جديد علشان لما اللنك(الطبق المدور اللى عامل زى الطبله) يركب ويربط على محطه تانيه ودى لوحدها بتاخد وقت مش اقل من يومين وطبعا network plan هيتغير كل شويه غير تغيير اتجاهات الانتنات علشان ميحصلش interference مع المحطات اللى جنبها وده حوار مقرف لوحده لبتوع الplan
6-مشاكل ال health and safety اللى هيا من الاخر الناس اللى بتهيج على المحطات الجديده علشان متتبنيش علشان السرطان والضرر وكده فى حين من جواهم هما هايجين علشان نفسهم تتعمل عندهم وياخدوا الفلوس فازاى بعد مالامور استقرت فى المحطه القديمه يرجع تانى لوجع الدماغ والقواضى فى الجديده
7-طبعا الكلام ده للمحطات ال end point اللى مش وراها حاجه اما لو هيعمل كده فى sub hub و hubs يبقى دى قمه الحموريه
ده التفكير المنطقى الا اذا الراجل ده بيعمل كده ككارت ارهاب للملاك -بكرههم قوى-
خصوصا الجهله منهم اللى هيخافوا ويرضوا بتقليل المبلغ او الموافقه على منع الزياده السنويه 10% ساعتها يبقى الراجل ده معلم وضرب عصافير بالهبل بحجر واحد
بس بصراحه اول مره اسمع انها عقود سنويه لان الشبكات عقودها لمده 10 سنين على الاقل بزياده 10% او 5% كل سنه وده المعروف فى ال3 شبكات

---

+111111111111111111

بس بصراحه وأصدقك القول انا معرفش مده العقد اللي بين صديقي والشركه بس البرج بقاله 5 سنوات مقام ممكن وزي حضرتك مابتقول ممكن يكون التعاقد 5 سنوات مش عارف بس هستفسر منه وهقولك بس انا بتكلم علي اذا ماأنتهي المطاف كما قلت وانتهت العلاقه الأيجاريه بين المالك والشركه المتعاقد معها لهذه الأسباب سواء كان عقد سنوي او كل 5 او 10 فده هيكون نتيجته واحده وهو فصل الشبكه وأزالتها في النهايه

اغلب الشركات دلوقتي بتتفنن انها تطفش الموظفين بطرق مختلفة

طب أنا عايز أفهم هو بيعمل كده ليه , و إيه علاقة فودافون بالأزمة العالمية ؟!!

هم بيكسبوا شوية ؟ دي مليارات جايلهم من الهوا !!! , (فعلا من الهوا عشان الكلام بيتنقل عن طريق موجات في الهواء !!)

اقتباس:

---

المشاركة الأصلية كتبت بواسطة kmhbravo

أعتقد الكلام ده غلط عن معرفة تامة بامور الشركة وكيفية إدارتها لأن دى شركة عالمية فيها نظم ولوائح بتطبق فى كل فروعها فى العالم (مش محل عبده البقال) والنظام ده بيسمح لأى حد فى أى فرع للشركة فى العالم إنه يشتكى مديرة مهما كان وظيفتة ويبعت الشكوى للمركز الرئيسى فى إنجلترا .

وما أعتقدش إن العضو المنتدب للشركة فاضى للكلام ده (هايوفر كام من الموظفين 2000 موظف فى 3000 جم متوسط من كل موظف يعنى 6 مليون جنيه فى السنة ، لو عايز يوفر هايوفر فى المشتريات والخدمات اللى بتاخدها فودافون فى السنة بتدفع حوالى 3 ونص مليار جم للموردين لو اتشطرت عليهم فى نسبة 10% هاتوفر 350 مليون جنيه !!!!!!!!!!!!

ثانياً : شركة فودافون لا تتعاقد مباشرة مع ملاك العمارات ولكن عن طريق شركات وسيطة واللى بتبنى محطات المحمول .

ثالثاً فى 12 مستوى إدارى (مديرين) تحت العضو المنتدب عشان يوصل مباشرة لموظفة صغيرة !!!!!!!!!!!!

---

+111111111111111

ان اشتغلت تمن سنين و نص في فودافون منهم ثلاثة سنوات في قسم الشبكات و لسه ليا اصحاب كتير هناك و الحال هناك مبقاش زي الاول و في حوالي 19 مدير في خدمة العملاء و المبيعات سابوا الشركه اجياري و اعرف ناس منهم شخصيا و لسه متوقع ان يحصلهم ناس كتير
الارباح السنويه اللي بتتوزع علي الموظفين متوقع انها تقل جامد
عربيات الشركه التويوتا كرولا حولوهم غاز طبيعي
اي موظف ياخد تقدير ضعيف في التقييم السنوي اللي بيكون في شهر ابريل يسيب الشركه فورا
بالنسبه لموضوع تقليل ايجار المحطات دا استحاله علشان دي عقود و مينفعش تتغير و هي في الغالب بتكون تسع سنين و الشركه بتجدد عقود جميع المحطات الموجوده بأي شكل علشان تركيب المحطات دا موضوع كبير جدا و مكلف فوق ما تتصوروا و اقل حاجه فيه هو الايجار السنوي

اقتباس:

---

المشاركة الأصلية كتبت بواسطة elgabry1977

ان اشتغلت تمن سنين و نص في فودافون منهم ثلاثة سنوات في قسم الشبكات و لسه ليا اصحاب كتير هناك و الحال هناك مبقاش زي الاول و في حوالي 19 مدير في خدمة العملاء و المبيعات سابوا الشركه اجياري و اعرف ناس منهم شخصيا و لسه متوقع ان يحصلهم ناس كتير
الارباح السنويه اللي بتتوزع علي الموظفين متوقع انها تقل جامد
عربيات الشركه التويوتا كرولا حولوهم غاز طبيعي
اي موظف ياخد تقدير ضعيف في التقييم السنوي اللي بيكون في شهر ابريل يسيب الشركه فورا
بالنسبه لموضوع تقليل ايجار المحطات دا استحاله علشان دي عقود و مينفعش تتغير و هي في الغالب بتكون تسع سنين و الشركه بتجدد عقود جميع المحطات الموجوده بأي شكل علشان تركيب المحطات دا موضوع كبير جدا و مكلف فوق ما تتصوروا و اقل حاجه فيه هو الايجار السنوي

---

+11111111111111111111111:M_yes[1]:

فعلا اللي عرفته ان فيه مديرين مشيوا........وانهم هايحولوا بعض الموظفين الي اوتسورس

اقتباس:

---

المشاركة الأصلية كتبت بواسطة A_H_M_A_D

طب أنا عايز أفهم هو بيعمل كده ليه , و إيه علاقة فودافون بالأزمة العالمية ؟!!

هم بيكسبوا شوية ؟ دي مليارات جايلهم من الهوا !!! , (فعلا من الهوا عشان الكلام بيتنقل عن طريق موجات في الهواء !!)

---

مش دفاعا عن فودافون بس احقاقا للحق ده مش هوا

الهوا ده بيتكلف مليارات

رخصة التشغيل من الحكومة بمليارات

محطات و core network (سويتشات) و سيرفرات و systems و مباني و ايجارات اسطح و مرتبات موظفين و كهربا و غيره

اقتباس:

---

المشاركة الأصلية كتبت بواسطة elgabry1977

ان اشتغلت تمن سنين و نص في فودافون منهم ثلاثة سنوات في قسم الشبكات و لسه ليا اصحاب كتير هناك و الحال هناك مبقاش زي الاول و في حوالي 19 مدير في خدمة العملاء و المبيعات سابوا الشركه اجياري و اعرف ناس منهم شخصيا و لسه متوقع ان يحصلهم ناس كتير
الارباح السنويه اللي بتتوزع علي الموظفين متوقع انها تقل جامد
عربيات الشركه التويوتا كرولا حولوهم غاز طبيعي
اي موظف ياخد تقدير ضعيف في التقييم السنوي اللي بيكون في شهر ابريل يسيب الشركه فورا
بالنسبه لموضوع تقليل ايجار المحطات دا استحاله علشان دي عقود و مينفعش تتغير و هي في الغالب بتكون تسع سنين و الشركه بتجدد عقود جميع المحطات الموجوده بأي شكل علشان تركيب المحطات دا موضوع كبير جدا و مكلف فوق ما تتصوروا و اقل حاجه فيه هو الايجار السنوي

---

جديد حوار الغاز ده

و موضوع ال appraisal ده بقاله سنتين على فكرة ..... اللي بياخد P مرة واحدة اخر السنة او اتنين I ورا بعض بيركب الزحليقة

و اعرف Senior Manager لسه مطيرينه مؤخرا مع انه راجل محترم اخر حاجة و بتاع شغل و مش بتاع دلع و لا مشاكل

اقتباس:

---

المشاركة الأصلية كتبت بواسطة Karim_Mohy

فعلا اللي عرفته ان فيه مديرين مشيوا........وانهم هايحولوا بعض الموظفين الي اوتسورس

---

للاسف فعلا الكلام ده صحيح


الحمد لله اني خلعت من 3 سنين ..... كان زماني عندي اسهال مزمن

اقتباس:

---

المشاركة الأصلية كتبت بواسطة أحمد كمال

الحمد لله اني خلعت من 3 سنين ..... كان زماني عندي اسهال مزمن

---

فعلا الحمد لله انك خلعت وعلمت حسابك على كدة انك تخلع لان ابن عمتى
كان شغال فيها
وبسم الله ماشاء الله علية فضل يكبر بس الصراحة مش فاكر كان وصل لاية بس تقربيا
كان وصل ل superviesor
بس مش متأكد ومش فاكر كمان عشان انا معرفش نظام الشغل اية يعنى المهم
بعد ما مرتبة هوا كمان كبر
ركبوووووووووووووة زحليقة كبيرة اوى هوا وكام واحد وكان لسة متجوز او ساب الشغل قبل الجواز بحاجة بيسطة دولقتى بئى مدير مراجيح ملد النبى
بجد ربتا يكون فى عونة

ربنا يسترها ياخواننا المشكله ان فيه ناس كتير دلوقتى معلمين فى شغلهم ومش لاقيين شغل بيقلك over qualified !!!!!!!

اقتباس:

---

المشاركة الأصلية كتبت بواسطة mgazaly

فعلا الحمد لله انك خلعت وعلمت حسابك على كدة انك تخلع لان ابن عمتى
كان شغال فيها
وبسم الله ماشاء الله علية فضل يكبر بس الصراحة مش فاكر كان وصل لاية بس تقربيا
كان وصل ل superviesor
بس مش متأكد ومش فاكر كمان عشان انا معرفش نظام الشغل اية يعنى المهم
بعد ما مرتبة هوا كمان كبر
ركبوووووووووووووة زحليقة كبيرة اوى هوا وكام واحد وكان لسة متجوز او ساب الشغل قبل الجواز بحاجة بيسطة دولقتى بئى مدير مراجيح ملد النبى
بجد ربتا يكون فى عونة

---

ربنا ما يحكم على حد بالقرف ده ..... دي ماتبقاش عيشة اصلا ربنا يسترها معانا كلنا

المصيبة السودة ان و انا ماشي المديرين الكبار هناك قعدوا معايا و قعدوا يقنعوني و انت كده بتخاطر و بتاخد risk و هناك ممكن يقللوا مرتبك و ممكن اول ما الشركة تقوم على رجليها يمشوك و هناك ممكن الشركة تنهار و بتاع

لا حول و لا قوة الا بالله ...... المصيبة كان فيه ناس ماشية معانا في الموجة الأولانية دي و اقتنعوا و قعدوا و دلوقتي بيضربوا نفسهم بالبلغ و البراطيش

اقتباس:

---

المشاركة الأصلية كتبت بواسطة mazagngi2010

ربنا يسترها ياخواننا المشكله ان فيه ناس كتير دلوقتى معلمين فى شغلهم ومش لاقيين شغل بيقلك over qualified !!!!!!!

---

دي اكبر مصيبة للاسف ..... اول ما تبتدي شغل تدور على شغل يقول لك لا لسه فريش و ما تنفعش ..... و بعد سنتين تلاتة شغل تبقى حلو و عسل و الشركات تخطفك من بعضها لانك بتبقى اتعلمت و ايدك مشيت و مرتبك ما بيبقاش كبير أوي و سهل ان شركة تانية تاخدك و تديك زيادة محترمة و برضه ما يبقاش مرتبك كبير عليهم ...... كام سنة يعدوا و تكبر و تبقلظ في مكانك ..... بس كده تبقى عامل زي الارنب اللي دخل غيط الخس و اكل لحد ما تخن مابقاش عارف يخرج من السور بتاع الغيط ..... ماتلاقيش حد عايز يشغلك لانك overqualified و لو حتى رضيت مرتبك يقل بتلاقيهم قلقانين تبقى بتاخدهم كوبري لحد ما تلاقي حاجة احسن ......

ده غير المصيبة الكبيرة ان اصلا مجال ال Telecom فرصه قليلة بالمقارنة بمجالات كتير زي البنوك (4 شركات اتصالات في مصر في مقابل بنوك بالعبيط مثلا) و اللي بيتخصص فيه صعب جدا يروح حاجة تانية بعد كده .......

لا حول و لا قوة الا بالله ...... بجد بجد بجد ربنا مع كل الناس و فعلا انا مش متخيل ان اي واحد يتعايش ازاي مع القلق و عدم الشعور بالامان و المقصلة دايرة عاللي حواليه و مش عارف دوره جاي امتى :(

اقتباس:

---

المشاركة الأصلية كتبت بواسطة أحمد كمال

دي اكبر مصيبة للاسف ..... اول ما تبتدي شغل تدور على شغل يقول لك لا لسه فريش و ما تنفعش ..... و بعد سنتين تلاتة شغل تبقى حلو و عسل و الشركات تخطفك من بعضها لانك بتبقى اتعلمت و ايدك مشيت و مرتبك ما بيبقاش كبير أوي و سهل ان شركة تانية تاخدك و تديك زيادة محترمة و برضه ما يبقاش مرتبك كبير عليهم ...... كام سنة يعدوا و تكبر و تبقلظ في مكانك ..... بس كده تبقى عامل زي الارنب اللي دخل غيط الخس و اكل لحد ما تخن مابقاش عارف يخرج من السور بتاع الغيط ..... ماتلاقيش حد عايز يشغلك لانك overqualified و لو حتى رضيت مرتبك يقل بتلاقيهم قلقانين تبقى بتاخدهم كوبري لحد ما تلاقي حاجة احسن ......

ده غير المصيبة الكبيرة ان اصلا مجال ال Telecom فرصه قليلة بالمقارنة بمجالات كتير زي البنوك (4 شركات اتصالات في مصر في مقابل بنوك بالعبيط مثلا) و اللي بيتخصص فيه صعب جدا يروح حاجة تانية بعد كده .......

لا حول و لا قوة الا بالله ...... بجد بجد بجد ربنا مع كل الناس و فعلا انا مش متخيل ان اي واحد يتعايش ازاي مع القلق و عدم الشعور بالامان و المقصلة دايرة عاللي حواليه و مش عارف دوره جاي امتى :(

---

انت لخصت الموضوع كله بحكايه الارنب
فعلا ربنا يسترها علينا فى المجال المهبب ده الغير مستقر اطلاقا
الحل الوحيد تفضل تتنطط فيه من مكان للتانى كل شويه علشان تستقر نفسيا!!!! :ma(30):

اقتباس:

---

دولقتى بئى مدير مراجيح ملد النبى

---

ههههههههههههههههههههههههه هههههه

اقتباس:

---

المشاركة الأصلية كتبت بواسطة أحمد كمال

ربنا ما يحكم على حد بالقرف ده ..... دي ماتبقاش عيشة اصلا ربنا يسترها معانا كلنا

المصيبة السودة ان و انا ماشي المديرين الكبار هناك قعدوا معايا و قعدوا يقنعوني و انت كده بتخاطر و بتاخد risk و هناك ممكن يقللوا مرتبك و ممكن اول ما الشركة تقوم على رجليها يمشوك و هناك ممكن الشركة تنهار و بتاع

لا حول و لا قوة الا بالله ...... المصيبة كان فيه ناس ماشية معانا في الموجة الأولانية دي و اقتنعوا و قعدوا و دلوقتي بيضربوا نفسهم بالبلغ و البراطيش

:(

---

لا والكارثة الاكبر انة كمان خلف بس ربنا يسترها معاه بجد
بس ليا استفسار يعنى اية over qualified
يعنى مثلا الشركة عايزة مستوى معين دة اعلى منة فا بيخافواااا يطلب مرتب اعلى يعنى ولا اية

اقتباس:

---

المشاركة الأصلية كتبت بواسطة dr.almaghraby

ههههههههههههههههههههههههه هههههه

---

عجبتك يا ودك
المهم بس ادعى ان محدش يقع فى الموقف المهبب دة

وعايزيين نشوفك يا عم انت ودكتور عمرو
انت فاضى امتى

اقتباس:

---

المشاركة الأصلية كتبت بواسطة mgazaly

لا والكارثة الاكبر انة كمان خلف بس ربنا يسترها معاه بجد
بس ليا استفسار يعنى اية over qualified
يعنى مثلا الشركة عايزة مستوى معين دة اعلى منة فا بيخافواااا يطلب مرتب اعلى يعنى ولا اية

---

يعني لو انت عايز مثلا واحد من 3 الى 4 سنين خبرة

و جالك واحد 8 سنين خبرة .... و خبرته كبيرة جدا على ال position ....

ما ينفعش تقبل بيه

حتى لو هو هيقبل بالمرتب القليل بالنسبة له

لاسباب كتيرة

الحرج اللي هيحصل له اما يلاقي مديره اقل منه في الخبرة و السن و كل حاجة

المرتب حتى لو قبل بيه النهاردة ممكن بكرة يزهق و يدور على حاجة تانية

ممكن بعد فترة يعمل لك مشاكل و يقول لك ده مش حقي و انا عايز حقي و بتاع


فمن الآخر ...... انت ممكن تاخد واحد اعلى من ال qualifications بشوية .... بس مستحيل تجيب مثلا واحد 15 سنة خبرة و تحطه في مكان عايز 7 و لا 8 سنين خبرة

أنا معرفش اذا كانت فودافون ادارتها مصرية من الأول و لا لأ, بس بجد أي شركة أو مؤسسة أجنبية تمسكها ادارة مصرية لااااازم تخربها على الموظفين, مع استثناءات قليلة طبعا. المدير المصري غالبا ال vision بتاعته محدودة جدا و ساعات كتير معدومة, و أول ما يمسك بيبقى عايز يحسس الأدارة العليا برة انه عمل طفرة من غير ما يحاول فعلا يحط خطة للتطوير. طبعا أكتر حاجة ملموسة تعمل ده انه يزود ال Net Profit بتاع الشركة, بس طبعا لأنه غالبا محدود الأفق جدا فبدل ما يحاول يزود ال revenue على طول يقول نقلل ال costs. و طبعا أول حاجة يقدر عليها هي ال Benefits بتاعت الموظفين. مش لازم يكون بيقلل المرتبات بشكل مباشر - لأن ده صعب جدا لوجود عقود - بس يبتدي يقلل من المكافأت و الprofit Share, يقلل الامتيازات سواء عربيات أو بدلات أو أي حاجة زي دي, يقلل برضه الزيادات السنوية لأقل نسبة ممكنة, يحاول يطفش المديرين و الناس القديمة اللي مرتباتها عالية عشان يجيب بدلهم ناس مرتباتها أقل, يخنق على الناس جوة المكتب في المشاريب, الادوات المكتبية...ألخ. طبعا ده phase I من التخريب. Phase II بقى تهميش دور الناس الخبرة اللي فاهمة بجد و الاستعانة بدلا منهم بناس تانية مش مهم كفاءاتهم قد ما المهم يكون ولائهم الشخصي لسيادته, اتباعا للمبدأ الاداري المصرى الصميم في الأستعانة بأهل الثقة لا أهل الخبرة. و طبعا ده يؤدي بالضرورة لسيطرة سيادته على كافة القرارات الخاصة بالمؤسسة لأن طبعا أهل الثقة دول ملهمش دور غير انهم يوافقوا سيادته لأن شلوت سيادته دفعة للأمام, و محدش يقدر يغلط في بطيخ مولانا.

بجد حاجة تقرف و بعد كدة نرجع نقول احنا ليه معندناش حاجة ناجحة نقدر نفتخر بيها في أي مجال. معلش يا جماعة أنا عارفة ان أنا طولت عليكوا و يمكن أكون خرجت شوية عن الموضوع الأساسي بس بجد الواحد ساعات بيتهيأله ان مفيش أمل في المصريين كلهم لدرجة ان الواحد بيحس انه فيروس بيجي للواحد أول ما يكون مسئول في أي مكان, و ان أي واحد فينا دوقتي بيتكلم كويس قوي انما لو مسك حتة برضه حيتصرف بنفس الطريقة.

الله عليكوا طمنتومى بصراحة بالمستقبل المبهر
يا جماعة أنا بكالوريوس communication عين شمس و طالع عين اللى خلفونا
شكلى فى الآخر هاجيبلى ميكرباص تويوتا الجديد و أقضيها رمسيس

اقتباس:

---

المشاركة الأصلية كتبت بواسطة shouk_1987

الله عليكوا طمنتومى بصراحة بالمستقبل المبهر
يا جماعة أنا بكالوريوس communication عين شمس و طالع عين اللى خلفونا
شكلى فى الآخر هاجيبلى ميكرباص تويوتا الجديد و أقضيها رمسيس

---

ما هي فودافون مش الامل الوحيد ليك ...... فيه شركات كتير كويسة

اقتباس:

---

المشاركة الأصلية كتبت بواسطة أحمد كمال

ما هي فودافون مش الامل الوحيد ليك ...... فيه شركات كتير كويسة

---

يا أحمد فودافون كانت الامنية الاولى لأى شاب

الشغل فى فودافون كان حلم للعديد من المصريين

اقتباس:

---

المشاركة الأصلية كتبت بواسطة sharky

يا أحمد فودافون كانت الامنية الاولى لأى شاب

الشغل فى فودافون كان حلم للعديد من المصريين

---

الصيت و لا الغنى

اقتباس:

---

المشاركة الأصلية كتبت بواسطة mgazaly

عجبتك يا ودك
المهم بس ادعى ان محدش يقع فى الموقف المهبب دة

وعايزيين نشوفك يا عم انت ودكتور عمرو
انت فاضى امتى

---

والله انا مقدرتش امسك نفسي.....

انا موجود يا باشا فاي وقت

انتا الي بتروح الجامعة امتا

اقتباس:

---

المشاركة الأصلية كتبت بواسطة أحمد كمال

الصيت و لا الغنى

---

بس مقارنة بالشركات المصرية التانية فهى اكيد كانت وهم

جوز زميلة ليا كان هناك وكان بيتكلم على حاجات بالنسبة لنا وهم

مش موضوع مرتب -بس موضوع اسلوب تعامل-

- شغل من البيت يومين
- اجازة بقية الاسبوع لو طلع الاسبوع فيه يومين او تلاتة اجازة رسمية
- رحلات لشرم والغردقة للفريق علشان يتعلموا team Building :unhappy:
-اسهم فى فودافون بره للموظفين اللى بيقعدوا
(اكيد فيها عيوب بس مقارنة باى شركة مصرية عايزة تمص دمك ولو تطول انها تشغل 24 ساعة فى 7 ايام فى الاسبوع وتبقى متضررة لوخدت يوم اجازة ...تبقى اكيد جنة

اقتباس:

---

المشاركة الأصلية كتبت بواسطة DR.almaghraby

والله انا مقدرتش امسك نفسي.....

انا موجود يا باشا فاي وقت

انتا الي بتروح الجامعة امتا

---

i am in the collage know :)
you can come :)
but realy you can tell me ur schedule to arange day to meet
( sorry for mistakes but i use a cell phone):E_braces[1]:

اقتباس:

---

المشاركة الأصلية كتبت بواسطة ahmed4000

بس مقارنة بالشركات المصرية التانية فهى اكيد كانت وهم

جوز زميلة ليا كان هناك وكان بيتكلم على حاجات بالنسبة لنا وهم

مش موضوع مرتب -بس موضوع اسلوب تعامل-

- شغل من البيت يومين
- اجازة بقية الاسبوع لو طلع الاسبوع فيه يومين او تلاتة اجازة رسمية
- رحلات لشرم والغردقة للفريق علشان يتعلموا team building :unhappy:
-اسهم فى فودافون بره للموظفين اللى بيقعدوا
(اكيد فيها عيوب بس مقارنة باى شركة مصرية عايزة تمص دمك ولو تطول انها تشغل 24 ساعة فى 7 ايام فى الاسبوع وتبقى متضررة لوخدت يوم اجازة ...تبقى اكيد جنة

---

باشا الشغل من البيت كان يوم واحد و تقريبا خلاص اتلغي
موضوع الاسهم خلاص اتلغي
موضوع الاجازات ممكن يديك اجازه مثلا يوم الاحد لو كان الاتنين اجازه رسميه و بيخصمه من رصيد اجازاتك